ناس بكري قالوا

" تونس راهي محمية بجبهة سيدي بالحسن على اليمين وجبهة سيدي بوسعيد على اليسار وكل شيء بقدرة ربي راهو .. "

كلمة كانت ديما تقولهالي مماتي يرحمها وكنت نضحك عليها في قلبي ونقلها : شيء لله يا ولياء الله الصالحين "

أما بنتنا كتعدات علينا  هالايامات ، وكنتذكر إلي صار نهار 14 و- بحر الدم إلي كان ينجم يسيل نقول كلام أجدادنا ينجم يكون صحيح...

كي نفكر في اعتصامات الزيادات في الشهرية وتحسين الحالة الاجتماعية ونرى إلي نحن مازلنا قاعدين ناكلو ونلقاو الخضرة في الثنية ، ما نجم

 نقول كان تونس محمية.. وقت إلي نرى مافيا تسرق في بلاد لا فيها لا بترول ولا غاز و الشعب يلقى باش يوكل الصغار لازم نسال ألف سؤال...

زعمة جدادنا كقلو هالكلام يعرفوا إلي اليوم فينا عباد تستعمل في الدين والعاطفة باش توصل للكرسي ...

زعمة ناس بكري كانوا واعين إلي فينا عباد تحب السلطة أكثر من البلاد وتبيع السناجق وتضحك على الزيار ؟؟؟

زعمة سيدي منصور يعرف إلي قرقنة كيما جابت حشاد راهي عطتنا جراد ؟؟؟

زعمة سيدي بولبابة يعرف إلي في هالبلاد فما توانسة ما ينجمو يخدموا كان في الخراب ؟؟؟

كان نسال سيدي الصحبي زعمة يعرف إلي فما توانسة تحب لتونس كان الفساد ؟؟؟

كلام جدادنا لكلو صواب كان غلبنا مصلحة تونس على مصلحة العباد ...

 وما تنساوش إلي نحن نهار لمنا ابائنا على خاطر عطونا تونس 7/ 11 .. أما زعمة مع صغارنا كيفاش باش يكون لحساب ؟؟؟؟

بابا عزيزي والرهنية

بابا عزيزي راجل زمني ، يقولو عليه من كبرات الحومة، يثبت حتى على عهد الفرنسيس وشد عليهم المڨرونة ..

وقتلي مات راجل أمي عزيزي  مسيكين حب ، على كلام ناس بكري ، يلمني .

بابا عزيزي فخار بكري جيل الصوردي المنقوب وزمان البايات والدايات، وحب يربيني كيما زمان بوعنبة ونسا إلي هوا موش مطول في الدنيا ..

بابا عزيزي تقوى عليه الضرب وهو موش موالف مسيكين .. ما ڨدّش مصروف هالجيل ... قام علي نهار وقالي : 

- بنتي راني باش نرهن الدار ...

- ترهن الدار !!!!!!!!!! بابا عزيزي يهديك ، يفضلك .. دارنا موش للبيع ولا للرهنية...

بابا عزيزي زمني ، وكيما الزمنيين الكل ، ما يعرفوا كان  الرهنية وما يسمعوا كان بطريق لقباضة..

-بابا عزيزي علاش هكا يفضلك ... هكا الدار تضيع .. تحبني نقعد في الديون سنين ؟؟؟!!! بابا عزيزي الدنيا تطورت ، ورهنية العقارات معاش موضة.. ولله وراسك نجمو نسلكوها من غير ما نضيعو الدار وريحة الاجداد.. بابا عزيزي تسمع فيا ... بربي لا تعملها .. يعيشك حط في عينيك فاش يستنى فيا ...

أنا نصيح ونعيط وبابا عزيزي كيما لكبار الكل يسمعوا كان صوت واحد .. صوتهم ... 

صوت يقول : حط الدار في الرهنية .. حط الدار في الرهنية ...  الدار في الرهنية ...

الدار باش تضيع وتتحط في الرهنية وبابا عزيزي موش حاس بيا 

بربي ... كلموه انتوما .. بالكشي يبدل الثنية ....

ma Venus à moi ....

Vénus est la Déesse de l'amour et de la beauté. Elle doit probablement son nom au fait que c'est la planète la plus brillantede la voûte céleste. On a d'ailleurs donné à la plupart des bassins, cratères, et autres caractéristiques de la surface de Vénus des noms féminins.

Vénus est aussi appelée l'Etoile du Berger du fait qu'elle apparaît peu avant le coucher ou le lever du Soleil, c'est-à-dire l'heure à laquelle les bergers devaient rentrer ou sortir leurs troupeaux.

Vénus étant l'objet le plus brillant dans le ciel après le Soleil et la Lune, elle est connue depuis que l'Homme existe.

Vénus fut le guide des hommes, des prophètes, des Rois Mages. Amours, sentiments, motivations, émotions sont des manifestations de l'âme.

Avec Vénus règne en l'être la joie de vivre dans la fête printanière de l'enivrement des  sens comme dans la plaisir plus raffiné et spiritualisé de l'esthétique. C'est le règne de la paix du coeur, du " bonheur".

خاطر نحنا ابطال تونس

الراجحي مهوش سوبر مان ورشيد عمار موش بطل ، الحكومة حقيرة والأمن يتعامل على الطريقة النازية لهتلر ... الشعب سريع الإلتهاب ... ولازم نحيو من مخنا إلي ما نجمو نعيشو كان بصورة بطل خاطر لا راجحي بطلنا ولا قائد أركان الجيش كل واحد بطل روحو ، كل واحد مسؤول على ضمان قيام الانتخابات في موعدها 25 جويلية .... فلتعشو  لحب الوطن 

عنترة يرفض الخروج ....

نزار ..

إن الجنرال يرفض الرحيل ...

يأبى إلا أن نموت ..

عنترة يقصف درعا ، دمشق واللاذقية ...

يقتل كل ياسمينة سورية ...

يطعن قبور الشام 

ويغتصب السيوف ألسومرية .. 

نزار 

يوم ثارت نخوة فينا

دك الأرض قنابل حربية 

نزار دمشق تثور 

ووريث الأسد يقتلها ...

نزار درعا تموت 

وزئير الأسد يطمرها ...

نزار إن عنترة يقتلنا 

يقصف الشام 

عوض تحرير الجولان 

ينحر قبر الوليد

من الوريد إلى الوريد ..

نزار  حباً بسوريا 

ارثنا من قبرك 

حباً بوطنك

إنعنا من عندك

نزار إن الأسد يزأر 

فيقتلو كل دقيقة ضحية ..

يدخل عرينه 

ويتركنا نردد المرثية ...

نزار 

إن السلم الدمشقي

صار مستحيلاً 

والحرية مستحيلة

فلا تشم غير رائحة الموت

ورصاص البندقية

والكل هنا يسأل 

من الأتي ؟؟ من الضحية ؟؟؟

حتى ياسمينة بيتك العتيق 

تنزف ..

تنزف لأجل القضية ..

نزار إن موتنا بيان تاريخي 

خالي من ائتلافات اليمين واليسار

قرار محتم يحمل توقيع الجنرال 

نزار 

بلاد الجمال 

تعاني الدمار 

يحاولون إعادة صنيع التتار..

يريدون فقط صناعة القرار ..

نزار

أجبرٌون الموت 

وحرمون حق العزاء

حق إكرام الشهداء 

نزار 

دماء الشام تجري

وصوت الرصاص بين البكاء والبكاء

و- شهداء يخرجون حتى 

بين صلاة المغرب والعشاء

أمير الأنوثة

شهداء سورية في السماء 

ولكن الكل مجند هنا

ليبقى الأسد في عرينه ..

يواصل توريث البغاء ..

وزارة الخارجية : اخطى راسي واضرب

بعد زيارة الاخت الفاضلة "انجلينا جولي " للاراضي التونسية وبعد ما خطفت ساقها ومشات لوزارة الخارجية متاعنا ، سعادة الوزير واللي دايرين به فهموا مغزى الغناية القائلة : ألحياء حلوة بس نفهمها ، و اعلنوا بينهم وبين روحهم إلي الوزارة ، أو بالاحرى زائري الوزارة ، هي المفتاح. أي عاد كي كتائب القذافي ضربوا ذهيبة ، لوزير خاف كان كي يسكت يقولولو "ديقاج"  ويخسر برشا فرص و يتحرمو من شوفان النجوم ألي يزوروا في تونس بعد ثورة كما تحرم هذاك المغبون "ونيس"، أي عاد قامت الوزارة وتشجعت وهبطت بيان شجب وندب وتنديد مضروب بسافوت مفسكيتو من واحد من بيانات القمة العربية ، أما دويو القذافي قلهم لا شبيني أنا إسرائيل باش نسمع هالكلام، وماداموا هو شارب حبوب هلوسة عمللهم فيها وذن عروسة وصبحلهم بكري وعاود ضرب. قالك حالة فزع في الجنوب التونسي ، ودنيا واكلة بعضها . عاد ماهو كما يقولوا الخوف يجري الجوف ، قامت وزارتنا باخذ أجرأ قرار في تاريخ  بلاد في هل فترة  ، هي صحيح فازا متاع حوم أما ميسالش المهم مصلحة الوطن، أيا عاد من غير ما نطول عليكم الخارجية التونسية استدعت المندوب الليبي في تونس ومزبلتو قتلوا : يا أخي إحسبنا جيرانكم، خوتكم، ولاد عمكم ، هاك تعملوا فينا ، غدوة كان وليام وكاتي يجيو يطولو على اللجئين في شهر عسلهم باش تحرمنا من شوفانهم. وزادت كلمت السفير التونسي في ليبيا فماش  ما يحكي مع  الجماعة ويفهمهم، يا خي عمك السفير ما هزش ، طلع مغشش على الحكومة المؤقتة خطرها منعت الجالية التونسية الكل غادي كان هو : حاقرينو مسكين !! قولش عليه مش تونسي !!

حاسيلو الوزير خايف لا تكون انجلينا هي الأخيرة ، والقذافي قال ذهيبة أصلها ليبيا ... هوكا واحد يجبد يمين ولاخر يسار .. وحد ما عارف وين بش ترسي 

وهوكا حديثنا قياس فيه الفضة وفيه النحاس ...

قرطاج احكي ..

قرطاج أريد أن اشرب من مائك ....

قرطاج أريد أن أسافر في بحرك ...

أريد إشعال نار أطفأها الرومان فيك ...

قرطاج يا وجعي ..

قرطاج يا ألمي ...

قرطاج يا وطني ...

ابحث فيك كل يوم عن عليسة ...

ابحث عن حنبعل قائد ...

ابحث فيك اليوم عن محارب ...

استجدي الهةً لأعبد عينيك فيها  ..

أفتش عن معبد لآويك إليه ...

أفتش عن كهنة لعلهم يباركونني فيك ..

قرطاج سالت دمائك على مر العصور 

سلبوك عذريتك على مر العصور ...

فما من أمير أتى جدير بجسدك ...

وما من ملك نصب إستحق عرشك ...

قرطاج انتي الأبهى ...

انتي الأعظم ..

أنت المعتقة .. الأكثر إثرتا من الخمر الغجري ..

أنت الأكثر نقاءً من أمواج البحر الأسطوري ....

قرطاج أنت التي جلست تروي للمتوسط 

قصة قدومك عبر سفينة جسده ...

قصة جلوسك على كتفيه ...

قصص أميراتك الحاسناوات ....

قصص ابطالك ...

قصص حيكت ففاقت أساطير شهرزاد ...

اروي يا حسناء أنوثتك ...

اروي للمتوسط قصتك ...

اروي شموخك ...

صمودك ....

علويتك ....

اروي وديان من الدم سالت فيك ...

فانبثقت منها ياسمينةٌ تحييك ...

 أروي كيف كنت هنا ولازلتي ...

كيف كتبت التاريخ وما متي ....

احكي يا قرطاج حاضر فيك قد نشأ ...

وأروي تاريخاً فيك إنبثق ...

قصي ايتها الانثى ما جرى ... 

وعلمي التاريخ ما نسى ...

قصي له كيف حميته ..

وجلستي حارسةً على كتفيه ...

احكي كيف رسمت زبد أمواجه الأبيض ..

وكيف تربعتي على عرشه الأروع ...

ذكري المتوسط يا قرطاج

أنك أنثاه الوحيدة ..

وأن باقي حضاراته .. كذبة عتيدة ...

ذكريه أن لو لك لما كان بحر ...

ولو لك لما أنجب موج ...

أحكي يا قرطاج على لسانه ..

فلو لك لما كان وجدانه ...

لو لك لما كان أزرق..

لو لك لما كان أبيض ...

صارحيه أن لو لا وجودك لاندثر ...

وأن لو لا أنوثتك لإنصهار ...

فالو لك يا قرطاج لما كان الحلم

ولو لك يا قرطاج لما عشنا السمر .. 

آه يا وطني لو تدري ... آه يا وطني لو تعلم ...

آه يا وطني لو تدري ..

أن زمني فيه ..

الشهادة عار 

والنصر عار  

والبندقية عار 

و- الموت في سبيلك عنف و دمار ...

زمني فيه 

الدين حرام 

والحب ضلام 

و- السلم ضعف وإندثار 

فيه أقوى إيماني أن 

أتكلم وأنا مكبلة اليدين 

وأنطق دون صوت ...

فيه أصلي للدولار 

واقتنع أن البترول أهم من ترابك 

.....

آه يا أمتي لو تدري ...

ففي زمني كلمة الله سفلى 

وكلمة ألحق سفلى ...

وكلمة السلطة عليا ..

 وفي زمني أعيش في حدودٍ فيك تكبلني

وتفصلني عنك ولا أدري ...

فالكل يروي رواياتٍ ....

والكل يؤمن بما قيل ....

آه يا أرضي لو تدري

أن زمني يحرم الحريات بإسم الحريات

ويضرب القانعات بالقناعات

ويختم فالأخير ليعلن

أن فيه تنتصر التفاهات

...

....

آه ياعمر لو تأتي ...

آه لو تعلم آه لو تدري ..

آه لو تعرف عن زمني

لستللت سيفاً وإغتلته ...

أن ياوطني لمدرك ..

وأن لعمري لأعرف

أن نهاية قد حلت ..

وأن إحتضار فيك

يبشر برائحة الموت ...

وأثق بأن الأرض منذثرة ..

لكن أرفض فيك ..

أرفض لك ...

موتاً في هذا الزمن .... 

البغية ما نبغيكم والصبر ما نصبر عليكم ..

توا عندي قريب الثلاثة شهور وأنا في الجامعة ندور و ما شفتش طالب دستوري واحد يمشي و يبنبي ويحكم ويتأمر كيما العادة  !!! ياخي فيسع ما نسيتوها صنعتكم ؟؟ ياخي برسمي باش تبداو مناضلين ؟؟؟

لا عاد أمان ما توليوش شغفارا  !!! والله قينتوها علينا !!! يرحم عهدك يا بن علي !! يرحم وقتكم يا ر. س. د !!! علاش هاكا !!! ثلاثة شهور ما فماش صبان صبة ... ثلاثة شهور مافماش تبندير وهزان قفة ... ثلاثة شهور ونحن القلق ظاربنا ... ثلاثة شهور ما سمعناش العنف اللفظي إلي مستانسين تقولوه .. ثلاثة شهور ما وريتوناش وجوهكم الصفرة وانتوما تقاففو وطالعين هابطين على الادارة .. ملخر ثلاثة شهور رجعت الجامعة للطالب مش ليكم..

أما برسمي خسارة !!! إيه نعم خسارة !!! 

تي ما تستغربوش !!! مزعمكم في التبهليل !!! توا نفهمكم علاش خسارة !!! 

 خسارة خاطر كنتو عملينا جو في الفاك ... كنا كي نقلقو نحلو معاكم " حلقة نقاش " باش نضحكو ... كنا ديما نلوجو عليكم باش تطربونا بافكاركم  المسقطة وتفلسيفكم الفارغ ... كنا حتى في إنتخابات المجالس العلمية نعملوا عليكم جو وانتوما تشريو في الأصوات وتزوروا في الصنادق ... كنتم تحسسونا قاداكمش خادامة في الغش والتلوعب  ...

أما بالحق بلاصتكم فارغة .. خاطر حد ما ينجم يعمل إلي كنتو تعملوا فيه !!!   تعرفوا حاجة !!! صدقوني الفاك من غيركم قينيا مش نورمال !!! تي مالقينا على شكون نبرو !!! ملقيناش فنومان كيفكم !!! تي تخاف كان نكملو هاكا ندوروها تنبير على بعضنا ...

تي شبيكم ياخي ... يا ولادي رانا نفدلكو ... يا ولادي ارجعوا خلينا نفركوهم عليكم ... رانا صحيح إلي البغية ما نبغوكم أما زادة الصبر ما نصبرو عليكم ..  

التونسي والكرسي

 بربي سامحوني كان باش ندخل في حاجة مش من إختصاصي .. وبربي خذوني على قد عقلي ...

توا عندي قريب الشهرين وانا نسمع في الناس تصيح وتعيط : هذاك يحب  على الكرسي .. هذي لعبت الكراسي وعرك على الكراسي  o.O  

يا جماعة سامحوني أما انا في بالي علاقة التونسي مع الكرسي أهم وأعمق من هاكا برشة.. 

الكرسي راهو عشير التونسي وجريانو عليه مش جديد ... ومش من اليوم زادة .. وكان تسال توا يقوللك ..

توا يقولولك إلي في بلادي الطفل ملي ينوي إنو يقعد (5 أو 6 شهر )  يعملولو "قعاد" :لمة معبية بالصغار .. فيها برشة حلوة وجو .. والسبب إنو بدا يعرف يقعد ويشد الكرسي.. 

وهو مسكين يفرح ويقول: هاهو جو هلكرسي ... انا قاعد ولعباد الكل فرحانة بيا ..

إي.. يكبرشي شوية تبدا امو فالكوجينة وتصيح تقولو : شد بلاصتك !!

وكي يمشي للروضة ، المروضة تقول : أيا شدوا كراسيكم فيسع ..وحتى كي نخرجو للساحة نلعبوا لعبت الكراسي ...

في المكتب والليسي ، ما نشدوش الصف قدام  ألكلاس باش ندخلو اللوالى ونشدوا الكرسي الاول ...

في الكار الصفرة ولا المترو ، الكل  دزني وندزك باش نلقاو كرسي نقعدو فيه ..

حتى كي نخرجو نعملوا قهوة نقعدو 5 سوايع .. القهوة تكمل ونحن مش هاين علينا نقومو ملكرسي ..

في الفطور ، نقعدو حتى بعد منكملو .. خاطر ما نجموش نقومو ونخلو كراسنا فارغة ..

نعرفو إلي الدنيا مع  الواقف  .. أما كتلقا صاحبك قاعد فالمترو، أول كلمة تقولها : حالا معاك صاحبي .. o.O

توا الدنيا مع الواقف ولا حالا مع القاعد !!!

التونسي يعرف إلي الدنيا مع إلي بعيد على الكرسي .. أما علاقة وحبو للكرسي أقوى من هل خرافة .. عندو هو يبيع الدنيا خاطر عشيرو "الكرسي

سامحوني كان طولت ... أما معادش نلومو علي يحبوا الكرسي .. خاطر توا يكرهوا كيف الشعب يبطل يجري على كرسي الكار .. ومعادش يكبش في القعدة عليه بعد الفطور .... 

رسالة إلى رجل غربي

عذرا.... إذ لم اتبع أساليب اللباقة 

...... و لا احترمت قوانين اللياقة ..... عذرا يا سيدي إذ  أخللت بمقومات الأدب  عفوا إذ تطاولت على مملكتكم الموقرة  و دخلت الباب دون أن اطرق أو سمحت لنفسي بالتدخل  دون أن اطلب فانا يا سيدي  لم اعرف يوما اللباقة و أنا من شعب  لا يملك وقت للياقة فانا من امة  تنهش الحرب لحمها كل يوم يطعن المحتل قلبها كل ساعة فعن أي لباقة  يا سيدي تتحدث  و لكن عذرا.... إذ لم اتبع أساليب اللباقة...... و لا احترمت قوانين اللياقة .....

فانا ولدت في الوحشية في التخلف و الأنانية جيشكم يقتلني في اليوم ألاف المرات  و يطمرني في التراب  مئات ألاف المرات  و جيشكم يا سيدي العزيز يغتصب روحي ألاف المرات... بل... مئات ألاف المرات  فعن أي لباقة يا سيدي تتحدث  و لكن عذرا.... إذ لم اتبع أساليب الباقة...... ربما آمتي في نظركم  إرهابية, متخلفة..... امة جاهلة....... و ربما يا سيدي ترى  أني بدائية .... فانا خلقت من رحم ارض  بالدم مروية.... و من رحم امرأة  لشعبكم عدائية.... فجيشكم يا سيدي العزيز  يغتال الطفولة من صلب ارضي و جيشكم يا سيدي العزيز  يسقني مرارة الدم في عقري داري و لكني .....اكرر... عذرا.... إذ لم اتبع أساليب اللباقة...... غير أني يا سيدي ولدت في حرب لم اخترها و جيشكم أطعمني الإرهاب  و هبني الحرب و الدمار فهل أنا عن رذيل قيمكم  يا سيدي مسؤولة ؟ و لكني... سهوت.... فعذرا....إذ لم اتبع أساليب اللباقة......  فللمرة المليون  يا سيدي أقول..... أن جيشكم الموقر... حاول اقتلاع اصلي... و انه يا سيدي.... منعي عن ارضي.... و أنكم يا سيدي العزيز... رميتموني بحجارة من سجين.... و أن غربكم يا سيدي العزيز... لبس ثيابي و حضارتي..... و ترك لي البقاية و القذارة.... و أن غربكم يا سيدي.... اضطهدني...... عذبني...... وئدني..... قمعني...... فعن أي لباقة يا سيدي تتكلم ؟  و مع هذا .... عذرا.... إذ لم اتبع أساليب اللباقة...... لهذا يا سيدي العزيز  سأنصرف عن غربكم الموقر  و اترك 

لي شرقي الأبي  و عذرا.... إذ لم اتبع أساليب اللباقة

اليوم اضرمت النار في بلادي ...

 اليوم اضرمت النار في بلادي ....

وعادت لي بعد أن كانت

بلاد غيري لا بلادي

اليوم اضرمت النار في بلادي 

اشتعلت المحارق

ونصبت حتى المشانق

تعلن موت الغريب

وتقرع طبول الفرحة

لرجعت وطني إلي

وطن لم يكن لي-

اليوم مات في بلادي من مات

وبالامس سجن من سجن 

وغداً سيصلب من يصلب

ولكن ستعود بلدي إلي

فهي لم تكن لي-

اليوم تحاول الأرض اعلان نهاية  

بعد أن عجز شعبي عن اعلن النهاية 

اليوم تثور زيتونة ونخلة 

لا توجد إلا في بلادي 

ويثور بحر وجدول 

في بلادي 

اليوم وطني يحترق 

وكل مياه المتوسط تعجز أن تطفئه 

اليوم يسيل أحمر العلم 

ليعود في مكانه 

ليضخ في الوطن 

اليوم يعود الهلال للسماء

فلا منير لنا سواه

واليوم نجمة الاسلام تقوم

لتعلن أركان في الوطن  

حتى أبيض العلم رفض الاستسلام 

وعرف بأن ساعةً قد دقة ووقتاً قد آن..

اليوم بدأ يتحرر العلم ....

اليوم بلاد في بلادي تثور ...

فإما أن تحرر ...

وإما أن تموت

أن  تموت للابد  ...